就快過年,喺度先恭祝各位恭喜發財,事事順利,發財好市之餘最緊要身體健康 .
原本打算連同henkei版一齊講,不過實在對其太有愛,所以忍唔住偸步先喇. Cyclonus旋風,屬于season3的新人物,首次于大電影中出場.電影中有個令人睏惑的疑問,點解佢被改造時有兩個相同人物.講真除左問返當時的畫師同導演等,都真是沒實質的答案.就算佢是邊個變成亦衆說紛紜,當然呢個亦比左借口自己到時買埋日版,因為電影度有兩隻 .今次同之前美日版一樣,顔色完全唔同,美版比較接近G1玩具版,但灰色位用返膠的原色,大打折扣.而日版就比較接近動畫,但隻紫色又比較浮同艷,亦唔見得太齣色.要喺中間揀一隻的朋友真是頭都大喇....
我一嚮的玩法就是如果可以,自己改色,今次參照了DW的設定,雖然唔算好好,但自己已經好滿意.其實美版個背卡官圖是好靚咖,不過實物就...塊面同兔仔耳都用電鍍銀重塗(應該講是上色,因為原來根本沒色),而機翼等部分紫色地方就用左金屬紫.部分細節位亦重新上色,例如手腕位內側兩個面,據我所見,日版呢兩個位都是沒上色既.
今次旋風絕對有前有後,整體設計十分齣色,應該講比之前已經好完美的獵犬更加齣色.而連接機翼的兩個連接都上左色.
眼部透光齣色,電鍍左後,終于有美版官圖的傚果喇,而且比日版更好
搭配目標戰士(targetmaster)Nightstick,出現于season4,由Nebulos星上重犯變成,呢個亦是season4除頭領戰士外另一個特色.
Nightstick美版配色同日版區別好大,日版更加接近DW同動畫版設定.而經過二十幾年的技術進步,咁細隻嘢都有左部分關節的可動設計.
當然呢隻嘢最大功能就是變成旋風的武器,並且威力大增.
旋風是2010比較有愛的角色,除左有佢同馬格斯互相尊敬的真漢子刻畫,佢亦是狂派中少數有實力但又唔會以此炫燿的能士.
玩具可動性唔算好齣色,而且兩肩連接身體部位用一條連接杆的設計真是唔多中意,大大降低雙手活動力.
飛機形態亦唔錯,雖然會因為機頭短而有種機型變肥的錯覺,但整體確實唔錯.
幾個位都自己重新上色.
個人最飛機形態十分讚賞.
機尾位亦有重新上色,不過腳板(噴氣口)位比較偸懶...而拳頭位反轉後的另外兩個噴氣口位亦上左電鍍銀,總之要細緻過日版,哈哈.
飛機本身帶有起落架,雖然比較短同兒戲,但有好過沒.而Nightstick變成槍後亦可以安裝喺旋風的飛機形態的機頂上,當然亦唔是太好睇就是喇....
後記:好滿意的一款經典老變,亦是除狂派F15機隊(相關可以睇返我之前的post:http://hk.myblog.yahoo.com/busbook99/article?mid=2869)後,又一會買多部的老變.總而言之,有興趣經典系列的朋友唔好錯過呢件真是可以稱為經典的旋風. |
发表于 2009-1-24 08:50:04
收藏
分享
提升卡
变色卡
显身卡
发表于 2009-1-24 09:16:16
楼主
好厉害捏
